圓山台灣料理 (已結業)

今日去咗尖沙咀一間台灣小菜同好心嘅餐廳，叫做圓山台式料理，初頭行過以為係食牛肉麵飲珍珠奶茶嘅典型台灣餐廳，但原來裏面賣緊好多中式同台食嘅小菜和點心，感覺好特別，都係第一次幫襯呢類型嘅酒樓。佢哋做緊小菜半價，非常抵食，有成幾十種小菜選擇，我樣樣都想試，但最終基於冇咁大個胃嘅關係，都係叫咗幾樣半價小菜，講真真係真心抵食。我哋午餐去，佢仲有啲小菜套餐和點心套餐，其實都好抵食。我哋後尾決定散叫幾個半價小菜，一啲點心和甜品，幾個人食到勁飽，都係四百幾蚊就搞得掂，平到咁真係唔知去邊度搵。點心我哋叫咗雲南野山菌素餃、鮮蝦腐皮卷、紅油抄手，佢哋價錢唔單止公道，份量又多，味道亦都非常好，鮮蝦腐皮卷真材實料，野山菌素餃味道清甜，紅油抄手皮薄餡靚，好味道。半價小菜有好多選擇，有水煮魚、田雞、蠔餅……數之不盡嘅台灣小菜，在芸芸的特價小菜中，我哋叫咗三杯雞和五味海中蝦。三杯雞嘅味道非常濃，醬料非常好味道、好香，雞又啖啖肉，真係好嘢味，而且熱辣辣煮好上枱，真係特別好味。五味海中蝦嘅份量都好多，而且蝦絕對唔細，啖啖肉，又彈牙，仲有蝦膏添。五味醬汁酸酸甜甜，好鬼開胃。最尾我哋叫咗個木桶豆腐花做甜品，木桶豆腐花好熱辣辣