越萊 (福榮街)

營業中

休息中

平時好少出去深水埗食，今日咁啱去行街，限聚令又開放六點後可以繼續用餐，所以就睇吓附近有咩好食。發現呢間越南餐廳嘅食物種類都好多，下午茶仲有手札肉包、豬扒包同魚柳包等等，因為我哋已經6:00去食，所以我哋食埋晚飯，叫咗一個撈檬、一個河粉，同埋兩個小食。啱啱到六點，都幾多客人嚟食，仲見到好多人叫外賣添，價錢來講我覺得都幾抵食。先嚟咗個河內蝦肉米子卷，蝦肉大大隻，米子皮好彈牙，點埋啲醬食，好惹味。豬肉丸生牛肉湯河，生牛肉上到枱啱啱熟，入口即溶，豬肉丸都幾彈牙，佢仲配埋兩舊蘿蔔，不過個湯底就偏濃味。另外叫咗個豬頸肉配雞扒撈檬，檬粉入口彈牙，豬頸肉同埋雞扒嘅味道都幾濃味，燒得好香，同埋眼見個份量都幾多，兩個人先食得晒。