蟹仙海鮮蒸碢大公館

營業中

休息中

海鮮由老闆親自挑選入貨🔎，務求大家食到最靚最新鮮品質！過程中店員會介紹每款嘅最佳食法。依家仲有半價優惠，用一個勁抵嘅價錢已經食到高質海鮮🌟！食咗咁多款海鮮，樣樣都好出色，但有幾款食過返尋味想再encore😋。野生膏仔蟹。店員介紹係未交配嘅母蟹🦀，肉質比一般蟹會更鲜嫩彈牙，蟹膏都較多。食落肉質較鮮甜，蟹膏就微甜帶甘香🤤。琵琶龍蝦。肉質比龍蝦更爽口彈牙🦞，而且仲好容易就可以原條肉起到出嚟，啖啖肉，有同龍蝦差唔多嘅味道，但食落方便過食龍蝦😙～蟹皇大元貝。蒸完之後會有好多精華出嚟，飲一啖係十分香濃嘅海鮮鮮味🤩。元貝肉質厚實，加上蟹皇微鹹，唔需要其他過多嘅調味已經滿分。海鮮一邊蒸嘅同時，精華一直落緊個粥底。最後就可以品嚐到充滿鮮甜味嘅粥🥣。