孖啡 (已結業)

同一班朋友出去食飯，見到呢間都好似唔錯，就上咗去。雖然係樓上舖，但都唔少人。價錢都算平，而且超多份量。四個人到三個主食+2個小食都超級飽！$136 明太子海蝦意粉覺得最好食係呢個，意粉可以有名太子掛汁，蝦都多。又唔會太鹹，正！$138 牛肝菌帆立貝意大利飯朋友鍾意食呢個，因為覺得好香蒜味同洋蔥味，意大利飯都煮得啱啱好。$148 軟殼蟹黑松露意粉另外都鍾意食呢個，軟殼蟹好大隻，炸得脆卜卜，黑松露味好香。+28 龍蝦湯中餐加$28 ，就可以飲呢個龍蝦湯！$58水牛城雞翼雞翼炸得啱啱好，雞肉好嫩，個汁又有小小辣😍$48 芝士焗薯條店員好細心，提醒我哋要小心辣親。真係成個薯條拎去焗，薯條配上拉絲芝士，好邪惡呀！Oreo 奶昔見到Oreo份量都唔少，仲有好香嘅奶味，配埋忌廉。士多啤梨乳酪朋友飲呢個，佢話好香士多啤梨味，又唔會太甜，感覺冇咁邪惡。蜂蜜綠茶蜂蜜綠茶就都幾好飲，同平時差唔多。荔枝梳打另一個朋友飲呢杯，除咗梳打，仲有蒟蒻椰果，都幾有咬口。