影片
更多
2022-08-29
863 瀏覽
西貢玩完水喺附近搵嘢食，依間湖南菜裝修雅致又唔會太豪氣太誇張，決定入去食返個飯。我哋一行六人，嗌咗八樣菜，兩支天地1號，每人埋單$150。因為今次有人唔食得辣所以我哋有啲餸菜叫咗走辣，但係唔辣嘅川菜就會令到成碟嘢失色左唔少。所以建議有得食辣就一定要食辣。椒鹽魷魚，香檸脆雞，孜然一字骨，干煸四季豆，酸辣土豆絲，梅菜扣肉，三味茄子，鐵板肉碎水晶粉。整體評分 4.5/5 從來都未食過咁好食嘅餸菜，仲要唔係好貴，樣樣嘢都好好食又好送飯，特別係三味茄子，分別有鹹蛋黃，蒜蓉同埋芫荽，食之前要撈勻佢，鹹蛋黃同埋蒜蓉撈埋啲茄子真係好好食，平時唔食茄子嘅我遇上呢個餸菜，食咗唔少茄子。雖然係酸辣土豆絲但係因為叫咗走辣，其實係鹽水土豆絲，淡然無味，所以一定要有辣先至好食，食湖南嘢唔食辣真係好嘥嘢。梅菜扣肉佢用咗辣梅菜，開胃好送飯，扣肉又唔會太肥又唔會太瘦，啱啱好嘅半肥瘦豬肉配上惹味梅菜。地點:西貢宜春街籃球場隔離，地舖，遠離繁忙嘅西貢大街。環境:好好彩無卜位都可以安排坐喺餐廳中間，周圍嘅裝飾都有中國式嘅格調，例如係酒杯木器。不過有朋友坐咗喺樓梯位，經常會有其他客人經過會撞到。價錢:以$150嘅人頭費，食到8
椒鹽魷魚，香檸脆雞，孜然一字骨，干煸四季豆，酸辣土豆絲，梅菜扣肉，三味茄子，鐵板肉碎水晶粉。
整體評分 4.5/5
從來都未食過咁好食嘅餸菜，仲要唔係好貴，樣樣嘢都好好食又好送飯，特別係三味茄子，分別有鹹蛋黃，蒜蓉同埋芫荽，食之前要撈勻佢，鹹蛋黃同埋蒜蓉撈埋啲茄子真係好好食，平時唔食茄子嘅我遇上呢個餸菜，食咗唔少茄子。
三味茄子
$98
69 瀏覽
2 讚好
0 留言
雖然係酸辣土豆絲但係因為叫咗走辣，其實係鹽水土豆絲，淡然無味，所以一定要有辣先至好食，食湖南嘢唔食辣真係好嘥嘢。
鹽水土豆絲
$78
86 瀏覽
0 讚好
0 留言
梅菜扣肉佢用咗辣梅菜，開胃好送飯，扣肉又唔會太肥又唔會太瘦，啱啱好嘅半肥瘦豬肉配上惹味梅菜。
地點:
西貢宜春街籃球場隔離，地舖，遠離繁忙嘅西貢大街。
環境:
好好彩無卜位都可以安排坐喺餐廳中間，周圍嘅裝飾都有中國式嘅格調，例如係酒杯木器。不過有朋友坐咗喺樓梯位，經常會有其他客人經過會撞到。
價錢:
以$150嘅人頭費，食到8碟小菜，仲要味道係10分好，我覺得性價比好高，嘢食又夠鑊氣，環境又坐得舒服，完全可以接受。
服務:
十分好，又唔會催我哋走，知道我想分開單找數都會幫到我安排。
孜然一字骨
$128
60 瀏覽
0 讚好
0 留言
鐵板肉碎水晶粉
$98
64 瀏覽
0 讚好
0 留言
張貼
