Ann Mamma Thai kitchen by 張秀玲

受疫情影響，入座前侍應會為食客量度體溫，餐廳座位亦都疏遠左。晚市6點，已經好多人，大部份人都係訂左位。如果想食，就好book定位，或者早d黎。

叫左泰式無骨滷水豬手($98)，黃咖哩($88)，木瓜沙律($68)，椰汁芒果糯米飯($48)，泰國街頭雪糕(送)。

泰式無骨滷水豬手

$98

泰式無骨滷水豬手

$98

豬手必叫，豬手既份量非常多，炆到勁"林"，d豬皮既骨膠原出哂黎，而且滷水汁帶甜。醮埋酸酸辣辣既醬，更加惹味。豬手底下鋪住芥蘭，芥蘭吸左滷水汁，好好味。

黃咖哩

$88

餐廳有3款口味既咖哩提供，黃咖哩唔辣，可以揀雞/牛腩。椰香味濃，一上枱就聞到好香。雞肉入味，薯仔外皮有d焦焦地既感覺，香口。如果唔想哂左d咖哩，可以叫薄餅/蒜蓉包，醮黎食一流。

木瓜沙律

$68

木瓜沙律份量又係好足，堆滿成一座山咁。酸辣味非常開胃，而且木瓜絲唔會切到過幼，有口感，夠爽脆。

木瓜沙律

$68

特別在於餐廳加入好多好細隻既紅蝦拌埋一齊食，望落以為係辣椒，配埋花生碎、芝麻食，口感十足。

1

椰汁芒果糯米飯

$48

糯米飯熱辣辣，仲有煙出。糯米飯黏稠，椰漿好香，芒果夠甜。

泰國街頭雪糕(送)

尼段時間，餐廳做promotion，每2位食客就可以試食一款泰國街頭雪糕，揀左椰子味。用椰子殼裝住2大球椰子味雪糕，配上花生粒、蘋果片、椰肉片，細味品嚐後椰子味慢慢滲出，配搭蘋果感覺好fresh。花生就提升左雪糕既口感。

整體，餐廳裝潢靚，重點係食物煮得非常有水準，食完完全唔會口渴或者鹹。難得有間出色又抵食既泰國菜餐廳。