DC 甜品屋

營業中

休息中

約咗朋友飲嘢，不過未夠鐘就諗住食個甜品先。佢個裝修都幾得意，放咗好多唔同嘅高達公仔。叫咗個草莓窩夫，但係因為草莓雪糕賣晒，所以轉咗做百香果雪糕。百香果雪糕酸酸甜甜勁好食，而佢嗰啲窩夫就脆身啲，接近似餅乾嘅口感。除咗甜品之外，都會有啲其他嘅小食或者粉麵。叫咗一串炸花枝丸，都幾大粒。出邊炸工好似好乾身，但係入邊一啲都唔會乾。另外仲叫咗個炒安格斯牛柳粒，呢個價錢嘅份量都OK嘅，但係可能老咗少少，比較有嚼頭。