影片
更多
2023-08-25
585 瀏覽
上個月係KlooK 見到有酒店Buffet 做優惠, 我就買左北角邨里1號香港維港凱悅尚萃酒店既買二送二自助餐(晚餐)訂左尋晚同屋企人食,酒店好快有專人係wtapps confirm booking,我就順便request 左要準備一張high chair比我小朋友,前一晚再有wtapps提醒,好貼心.我地6點15分到餐廳, 唔算太多人, 已經有人開始食緊,餐廳空間好大, 唔會好迫, 而且以深木色作為主調, 落地玻璃窗可以遠眺維港既景色,可以一路食一路欣賞夜景,岩晒一家人或者情侶黎撐下擡腳.之後好快已經坐滿晒人,相當有氣氛.食物方面有好多款選擇,芝士焗龍蝦,煎羊架,煎牛扒,中式有各款燒味,粉面, 炒菜,蒸魚,鼓油雞, 大蝦,就連咖哩雞, 咖哩牛都可以配飯, 面或者薯仔.睇到花多眼亂如果想飲碗湯既都有中式既老黃瓜豬骨湯或者西式既龍蝦湯, 實有一款滿足到你要求.我就最最最欣賞佢個煎羊架, 羊架煎得兩邊都好平均,色澤光滑見到本身既羊脂溶係表面, 好香羊肉味又唔會帶有羶,我食左3轉丫.魚生方面, 有三文魚,油甘魚,吞拿魚, 八爪魚,同雕魚,我試左三文魚,油甘魚同, 八爪魚,全部都好新鮮同肥美,
我地6點15分到餐廳, 唔算太多人, 已經有人開始食緊,餐廳空間好大, 唔會好迫, 而且以深木色作為主調, 落地玻璃窗可以遠眺維港既景色,可以一路食一路欣賞夜景,岩晒一家人或者情侶黎撐下擡腳.之後好快已經坐滿晒人,相當有氣氛.
食物方面有好多款選擇,芝士焗龍蝦,煎羊架,煎牛扒,中式有各款燒味,粉面, 炒菜,蒸魚,鼓油雞, 大蝦,
就連咖哩雞, 咖哩牛都可以配飯, 面或者薯仔.睇到花多眼亂如果想飲碗湯既都有中式既老黃瓜豬骨湯或者西式既龍蝦湯, 實有一款滿足到你要求.我就最最最欣賞佢個煎羊架, 羊架煎得兩邊都好平均,色澤光滑見到本身既羊脂溶係表面, 好香羊肉味又唔會帶有羶,我食左3轉丫.
魚生方面, 有三文魚,油甘魚,吞拿魚, 八爪魚,同雕魚,我試左三文魚,油甘魚同, 八爪魚,全部都好新鮮同肥美,冷盤區有面包蟹, 長腳蟹,青口同蝦, 我本人就比教懶得剪, 但我屋企人就大讚個長腳蟹,同面包蟹, 佢地都清盤左幾次丫…
我最主攻反而係甜品區同沙律區,單係雪糕都已經有8-9款味比你揀,樣樣都想試, 蛋糕細細件,可以一次過試晒咁多樣丫嗎, 我覺得呢點好好, 我就食晒咁多款, 最鍾意係cheese cake 同熱情果mousse cake同St Honore.想講佢地甜品好得我心,甜度岩岩好, 食到熱情果既果酸,又有奶油既香滑, 好新爽,令人忍唔住一啖接一啖咁食, 所以當晚我食左3-4件,雖然好想再食, 但要留返d quota 食雪糕.
生果方面,已經切好左既有菠蘿,蜜瓜同西瓜, 都有原隻橙, 青蘋果,紅蘋果,雪梨同暮蓮,水果清甜多汁,可以一解頭先食左咁多肉肉既油膩感,隨離凍櫃原來重有ham, cheese 同冷盤前餐前小食走溜眼, 激死.
個個店員都好好服務,經常主動清理餐碟,想重要一提, 佢地有一個kids Zone 係餐廳入面,當小朋友食飽悶悶地既時候就可以帶佢地去放下電玩下, 入面有幾個圖書架, 小帳棚,有畫板同筆, 大細公仔, 小朋友既檯同椅子, 又有積木同玩具車等等,我女係果度同其他小朋友玩得好開心,要真心比個Like.
本身我地用餐時間係由6點食到8點, 屋企人以為2個鍾夠晒時間食啦, 點知個個都食到唔肯走,到最後我地食到8點45分先捨得離開,其間都無職員趕我地走,買二送二黎講, 為返一個人都係380蚊, 我就覺呢個食物質素,環境同服務黎講,呢個價錢真係相當超值啦.大人小朋友都滿足咁離開.
張貼
