九町屋

營業中

休息中

同朋友去銅鑼灣圖書館搵資料，之後一齊過去天后一帶搵嘢食，見到間食日式菜嘅九町屋，店前貼左餐牌，主要提供鍋物、串燒、拉麵、便當等，價錢大眾化，吸引我哋入去試吓！香煎三文魚扒定食+飲品：定食除咗主食，還有一碗雞湯，青瓜、帶子裙邊、溫泉蛋。雞湯好足料，味道濃郁鮮甜，溫泉蛋流心滑溜，拌飯食一流，味道即刻提升，三文魚扒煎得香脆可口，肉質鮮嫩相當美味。豬軟骨拉麵：豬軟骨肉質軟腍入味，拉麵彈牙又夠掛湯，配左半隻糖心蛋、海帶等，十分豐富。套餐配飲品：芒果綠茶清爽解膩。手打蜂蜜檸檬紅茶：味道香甜，沒有苦澀味。鹽燒雞翼（2串）：有陣陣焦香氣味,外皮香脆可口,雞肉肉嫩多汁,鹹香味很好。