影片
更多
2022-08-18
2235 瀏覽
已經食過唔係第一次啦！上次都有跟朋友嚟食，因為太好食所以今次專登帶屋企人嚟！屋企人一見到間飯店，即刻覺得好懷念，好有舊年代酒樓feel!!我哋一嚟就叫咗個香酥鴨，嚟到熱辣辣，勁香脆，同埋濃郁嘅芋頭蓉加埋鴨香，真係超好食！跟住就係白果腐竹豬肚湯，我係一個好鍾意飲湯嘅人，可以講，呢個湯頂級好飲。白果腐竹味好香好出，超級足料！最後我哋叫咗個涼瓜炒牛肉，好有鑊氣，又係熱辣辣上枱。重點係牛肉煮得超冧！我爸爸啲牙冇力，有時啲牛肉太多筋，太韌佢會食唔到。但呢碟牛肉就完全冇問題！總括而言，呢間飯店餸菜份量超多，而且價錢便宜，係性價比超高！
屋企人一見到間飯店，即刻覺得好懷念，好有舊年代酒樓feel!!
我哋一嚟就叫咗個香酥鴨，嚟到熱辣辣，勁香脆，同埋濃郁嘅芋頭蓉加埋鴨香，真係超好食！
跟住就係白果腐竹豬肚湯，我係一個好鍾意飲湯嘅人，可以講，呢個湯頂級好飲。白果腐竹味好香好出，超級足料！
最後我哋叫咗個涼瓜炒牛肉，好有鑊氣，又係熱辣辣上枱。重點係牛肉煮得超冧！我爸爸啲牙冇力，有時啲牛肉太多筋，太韌佢會食唔到。但呢碟牛肉就完全冇問題！
總括而言，呢間飯店餸菜份量超多，而且價錢便宜，係性價比超高！
110 瀏覽
0 讚好
0 留言
93 瀏覽
0 讚好
0 留言
71 瀏覽
0 讚好
0 留言
張貼
