走過十萬八千里找到你

營業中

休息中

今晚經過杏花新城地下41 A舖頭，舖頭名字叫做走過十萬八千里找到你，覺得好特別喎。就和朋友入去食個晚餐。我哋叫咗兩份晚餐，晚餐有是日餐湯，主菜同埋一杯飲品。 餐湯令人有驚喜，內有打碎了的紅蘿蔔和薯仔，真材實料。朋友叫咗一個帶子蟹膏蟹肉意大利飯，兩粒大大嘅帶子都幾鮮甜，而且生熟程度剛剛好，食落去好彈牙，意大利飯比醬汁包住，份量都唔少。（125元）我就叫咗溫泉蛋海膽汁蟹籽意粉，溫泉蛋的蛋黃軟綿綿，大大隻，非常美味。海膽醬汁撈在意大利粉上，具有濃郁的鮮味，加上蛋黃蟹籽混在一起吃，味道鮮美。還有不少我喜歡的鮮菇伴在一起，真好吃😋（128元）兩個晚餐加一後$278，留返張單下次可以當十元使用呢！