炑

營業中

休息中

辛苦工作照顧家庭，間中都要獎勵自己。是日擠出少少時間食個靚lunch。是日食材大部份來自北海道。前菜白粟米，生食十分爽脆清甜。茶碗蒸熱辣軟滑，大方附上瀨尿蝦，新鮮結實，加入柚子皮增添清香。生蠔大隻肉質creamy，伴以辣蘿蔔蓉和酸汁，鮮味爆登。燒銀鱈魚以味噌餣過，皮脆肉嫩，油香十足。兩道天婦羅同樣驚艷，師傅控制火候得宜。草蝦結實彈牙，熊本茄子中間保持爽脆清甜。御飯的A4和牛粒入口即溶，配合滑蛋十分下飯。赤味噌湯味濃暖胃。最後有菠蘿雪糕，有果肉又不過甜。