立鮨 (安富大廈) (已結業)

朋友講這間立鮨幾好味，就話生日過來吃晚餐，來到細細但坐得幾舒服，這裡的抺茶堅好飲，抺茶味好香好純，最後忍不住飲多幾杯，壽司時間也開始了。 朋友講鮫鰈魚壽司幾好食，真心第一次食，魚鮨感沒有其他咁多但都幾別，幾有咬口但又幾軟熟感。自家制玉子壽司微甜帶蛋香。我最喜歡的劍魚腩壽司好軟熟油鮨剛好，上面有少少醬汁令到整體味道更好。 火炙左口魚邊壽司入口即溶保持到口感。這裡的手卷我都幾鐘意食有一大片海苔包任，鰻魚手卷和芥辣八爪魚手卷勁足料，用卷的方式更好，食到紫菜脆之餘入面的材料都食到。 最後再叫了立鮨特上壽司盛合，牡丹蝦都幾大隻又彈牙，深海池魚，帶子勁鮮甜原來自北海道勁大隻好甜，中吞拿魚油鮨剛好質素都不錯，海膽好多仲食到新鮮感，應該是用飛機貨所以保持到新鮮又好味。朋友沒有介紹錯，真心價錢不貴之餘質素都幾高，大約四百元都食得幾開心又滿足。