水戶日本料理 (已結業)

今日諗住周圍行下，點知又落大雨！落到個人都冇咩心機！正想返屋企時係富盈門下面見間日式餐廳，見又唔係話太貴，所以一於試一試！入到去環境舒服乾淨，職員服務都好好有禮貌！今次我叫左大海蝦天婦羅同牛肉壽喜燒1.大海蝦天婦羅好大隻呀😍😍蝦身差唔多有成支筷子咁長🤤🤤蝦肉咬落新鮮彈牙！炸皮鬆脆，加埋佢個天婦羅汁食，超正呀🤤🤤2.牛肉壽喜燒個鍋非常足料，牛肉大大塊，入面仲有娃娃菜、豆腐、蛋、金菇、粗粉絲等等！佢湯底唔會話過甜，我好鍾意，好多地方都整到好甜。牛肉一d都唔韌，正！整體黎講，兩樣野加埋都係百幾蚊就食到好飽，環境舒服、食物質素良好，值得一試