Chilli Lime (形點 I)

營業中

休息中

與朋友到元朗形點行街，想食泰越菜所以晚飯搵咗呢間未光顧過嘅餐廳。餐廳環境唔錯，食物價錢中上，選擇也多。我地2人只叫了泰式木瓜鹹蛋沙律($88)、印度薄餅($38)及泰式濕炒河粉($118可選雞肉或牛肉)。木瓜鹹蛋沙辣辣地幾開胃，材料都算豐富，除木瓜及蕃茄仔外，也有蝦及魷魚，但個人覺得碟頭較細，2個人食都唔太夠份量，而且醬汁未食鹹蛋都已偏咸。印度薄餅好味，符合期望。濕炒河粉則獻汁太多，而且河粉不知是否本身質地問題抑或太濕的關係，用筷子夾會越夾越碎，而且味道亦偏咸。未知餐廳其他菜式是否也會偏咸，但如果再去光顧，選菜時要避免以上2款食物。