Parkview (新都會廣場) (已結業)

Lunch time周圍都好多人等位，見呢間即刻有得食就試下。有set lunch, 但價錢唔平，轉餐仲要另外加$25。.燒春雞 - 芥末汁幾香，都幾夾隻雞。不過春雞就唔算好滑，份量適中，但配菜得薯仔就有啲單調。.雜扒餐 - 牛扒好老，太熟，牛肉味又唔算濃。蝦都大隻，不過唔夠味。如果呢碟野二百蚊，我會覺得似茶記雜扒質素但西餐廳價錢。.椰菜花湯 - 呢個湯唔錯，唔會好多麵粉嗰種質地，都滑身。味道就有少少淡，不過都還可接受。