影片
更多
2020-01-03
473 瀏覽
青花 #旺角 #黃店 💛💛💛呢間專食泰國fusion菜餐廳無論係餐廳嘅裝修，定係食物嘅外貌都好吸引🤩。不過可惜定價都唔平，食物質素一般，性價比較低💸。不過佢哋曾經將收益捐咗比星火，老闆每次都身體力行支持罷工，都值得我地多多支持💛💛💛。香草牛油龍蝦冬陰公芝士耳型粉🍝 $158賣相非常吸引，可惜味道比預期中差。冬陰公酸酸甜甜本身應該好易食得出，但係呢一個意粉居然有啲淡茂茂。好在龍蝦嘅肉質都算彈牙，幾多膏。值得一讚嘅係個耳型粉都幾有咬口。味道: 3.2/5性價比: 3/5惹味拼盤🍗 $92拼盤包括菠蘿雞翼、豬頸肉、青檸雞鎚、炸雞卷、魚餅，每樣兩件，叫做可以每樣試少少，但係味道就冇乜特別，唔係而家打成睇返個Menu都唔知原來當時係食緊菠蘿味嘅雞翼同埋青檸味嘅雞鎚，當時淨係覺得係普普通通嘅一個雞翼雞鎚，同M記嗰啲差唔多。味道: 3/5性價比: 2.9/5鮮熱情果梳打🥤 $36呢杯梳打就唔錯，酸酸甜甜，好清新，最欣賞係佢入面真係有原個熱情果嘅果肉，所以熱情果嘅味道一啲都唔假。味道: 3.5/5性價比: 3/5燒菠蘿蟹肉炒飯🍍 $138個賣相真係要比💯！最欣賞嘅係佢居然有一kai2燒菠蘿，而且炒飯入
呢間專食泰國fusion菜餐廳無論係餐廳嘅裝修，定係食物嘅外貌都好吸引🤩。不過可惜定價都唔平，食物質素一般，性價比較低💸。不過佢哋曾經將收益捐咗比星火，老闆每次都身體力行支持罷工，都值得我地多多支持💛💛💛。
香草牛油龍蝦冬陰公芝士耳型粉🍝 $158
賣相非常吸引，可惜味道比預期中差。冬陰公酸酸甜甜本身應該好易食得出，但係呢一個意粉居然有啲
淡茂茂。好在龍蝦嘅肉質都算彈牙，幾多膏。值得一讚嘅係個耳型粉都幾有咬口。
味道: 3.2/5
性價比: 3/5
惹味拼盤🍗 $92
拼盤包括菠蘿雞翼、豬頸肉、青檸雞鎚、炸雞卷、魚餅，每樣兩件，叫做可以每樣試少少，但係味道就冇乜特別，唔係而家打成睇返個Menu都唔知原來當時係食緊菠蘿味嘅雞翼同埋青檸味嘅雞鎚，當時淨係覺得係普普通通嘅一個雞翼雞鎚，同M記嗰啲差唔多。
味道: 3/5
性價比: 2.9/5
鮮熱情果梳打🥤 $36
呢杯梳打就唔錯，酸酸甜甜，好清新，最欣賞係佢入面真係有原個熱情果嘅果肉，所以熱情果嘅味道一啲都唔假。
味道: 3.5/5
性價比: 3/5
燒菠蘿蟹肉炒飯🍍 $138
個賣相真係要比💯！最欣賞嘅係佢居然有一kai2燒菠蘿，而且炒飯入面亦都仲有啲菠蘿粒，配上蟹肉同埋肉鬆，味道都不俗，不過又未到好突出，欠缺咗少少鑊氣。
味道: 3.5/5
性價比: 3.5/5
荔枝龍眼鴨髀紅咖喱 🍛 $128
新派紅咖哩，入面加入咗荔枝龍眼，而且用上鴨腳，成個配搭幾新奇。荔枝同龍眼嘅存在感其實唔高，冇乜影響到咖哩嘅味道，其實同一般傳統嘅差唔多，香料味重，帶點微辣，加上少少椰汁味，都幾好食。另外都幾欣賞個鴨髀煮得幾淋，仲要係一隻原隻鴨髀。如果可以跟埋白飯就一流。
味道: 4/5
性價比: 3.5/5
柚子香橙蝦沙律🥗 $96
呢個係咁多樣裏面最為失望嘅一道，首先就咁一個沙律90幾蚊已經唔係好抵，佢啲蝦嘅份量又唔多，仲要係雪藏蝦仁個種感覺。啲橙亦都好苦，配埋啲柚子汁一齊食，成個沙律嘅感覺苦苦澀澀，認真麻麻。
味道: 2.3/5
性價比: 2/5
整體來講呢間餐廳嘅賣相比佢味道突出，望落去好吸引但係食落去就正常，性價比一啲都唔高，好過佢嘅泰國餐廳大有所在。不過都係嗰句，呢啲會身體力行嘅話點都值得大家多多支持💛💛💛！
香草牛油龍蝦冬陰公芝士耳型粉
$158
29 瀏覽
0 讚好
0 留言
燒菠蘿蟹肉炒飯
$138
68 瀏覽
0 讚好
0 留言
燒菠蘿蟹肉炒飯
$138
44 瀏覽
0 讚好
0 留言
荔枝龍眼鴨髀紅咖喱
$128
26 瀏覽
0 讚好
0 留言
柚子香橙蝦沙律
$96
22 瀏覽
0 讚好
0 留言
惹味拼盤
$92
27 瀏覽
0 讚好
0 留言
鮮熱情果梳打
$36
52 瀏覽
1 讚好
0 留言
張貼
