影片
更多
2022-05-28
89 瀏覽
老公終於返嚟香港喇！為咗同佢大肆慶祝🥳，就帶咗佢嚟L’amour食餐勁嘅。雖然地點唔太就腳，但網上嘅介紹實在太吸引，於是千里迢迢、攀山涉水都要嚟一試！除咗廚師係前文華東方酒店🏨大廚，食物味道有保證之外，食物嘅擺盤簡直可以稱得上為藝術品，令人賞心悅目，目不暇給。相信今餐唔單止味蕾👅會得到刺激，連眼睛👀都會得到滋潤。L’amour大門設計有氣派，外面睇真係充滿神秘感。內裡裝潢有格調，有啲似酒店酒吧，雖然地方唔太，但因為樓底高同有自然光，所以富有空間感。餐牌上每一道菜都好吸引，之前係網上睇相已經覺得好頭痛唔知揀邊樣。好可惜胃就得兩個，千挑萬選最終揀咗以下幾道菜。1️⃣ 傳統英國名菜：威靈頓牛柳 $398🔸上網睇先知哩道菜原來已經有200年歷史。由於歷史悠久，製作手續繁複，真係一試就知廚師有幾多斤両。🔸哩度嘅威靈頓牛柳擺盤精緻，色彩繽紛鮮艷，用咗唔同食用花去裝飾，打卡一流。酥皮金黃酥脆，同咸香嘅火腿一齊食好夾。牛柳叫咗5成熟，鮮嫩嘅粉紅色，🔥火喉控制得啱啱好。牛肉軟淋鮮嫩，唔會嚡熠熠，肉汁香濃。哩道菜盡顯廚師功架，我同老公都食到lam lam脷🤤。2️⃣ 慢煮西班牙黑毛豬鞍·焦糖蘋果 $268我老公鍾
L’amour大門設計有氣派，外面睇真係充滿神秘感。內裡裝潢有格調，有啲似酒店酒吧，雖然地方唔太，但因為樓底高同有自然光，所以富有空間感。
餐牌上每一道菜都好吸引，之前係網上睇相已經覺得好頭痛唔知揀邊樣。好可惜胃就得兩個，千挑萬選最終揀咗以下幾道菜。
1️⃣ 傳統英國名菜：威靈頓牛柳 $398
🔸上網睇先知哩道菜原來已經有200年歷史。由於歷史悠久，製作手續繁複，真係一試就知廚師有幾多斤両。
🔸哩度嘅威靈頓牛柳擺盤精緻，色彩繽紛鮮艷，用咗唔同食用花去裝飾，打卡一流。酥皮金黃酥脆，同咸香嘅火腿一齊食好夾。牛柳叫咗5成熟，鮮嫩嘅粉紅色，🔥火喉控制得啱啱好。牛肉軟淋鮮嫩，唔會嚡熠熠，肉汁香濃。哩道菜盡顯廚師功架，我同老公都食到lam lam脷🤤。
威靈頓牛柳
$398
6 瀏覽
0 讚好
0 留言
威靈頓牛柳
$398
8 瀏覽
0 讚好
0 留言
2️⃣ 慢煮西班牙黑毛豬鞍·焦糖蘋果 $268
我老公鍾意食豬肉，所以揀咗哩道菜俾佢。身為家庭煮婦，我覺得豬肉係最難煮得好食，因為驚煮唔熟會有菌，所以好容易會嚡口同硬，時間比較難拿捏。哩度嘅豬鞍肉味香，肉汁豐富，肉質新鮮嫩滑軟淋，夾埋焦糖蘋果一齊食，味道更鮮甜可口！
慢煮西班牙黑毛豬鞍·焦糖蘋果
$268
7 瀏覽
0 讚好
0 留言
慢煮西班牙黑毛豬鞍·焦糖蘋果
$268
7 瀏覽
0 讚好
0 留言
3️⃣ 烤加拿大海膽多士 $68
嘩嘩嘩！真係好誇張，海膽肥美有份量，鮮甜可口，厚滑軟綿，一大啖咬落去好滿足！多士如果可以烤一烤，脆邊會更好食😋。
烤加拿大海膽多士
$68
6 瀏覽
0 讚好
0 留言
4️⃣ 自家製蟹餅·檸檬忌廉汁 $188
大碟好有氣派，蟹肉足料鮮甜，但略嫌餅皮有點厚同硬，如果炸得脆啲同忌廉汁多啲會更好。
自家製蟹餅·檸檬忌廉汁
$188
7 瀏覽
0 讚好
0 留言
5️⃣ Dream $133 (蘋果cocktail) & Pink Lady (荔枝mocktail) $118
點都要叫一杯嚟打卡，好有玩味，色彩吸引，味道都唔錯。
Dream
$133
6 瀏覽
0 讚好
0 留言
最初其實有啲擔心期望愈大，失望愈大，但最後我同老公都食得好開心好滿足，一定會再幫襯！
張貼
