Espresso Alchemy

營業中

休息中

忙中偷閑，決定去飲杯綠茶鮮奶，好好同自己獨處。排咗好短時間嘅隊，侍應安排我入座，我揀完我想食嘅嘢，就去櫃面點餐，點知職員同我講已經過咗2:30 （當時是2:33pm) ，沒有午餐了，要變返做正價。我當堂不知所措，所以返埋座位，諗住慢慢再睇，心裏面都有掙扎，係咪應該去第二個餐廳呢？然後回覆一些工作電話期間，一個好靚嘅職員行過來，見到我講緊電話，在我身邊等待一會，然後跟我說，剛才入座的時候，職員是否沒有提及已過了午餐時間？我回應是哦。他給我的餐牌亦都有午餐的Menu。然後佢好有禮貌請我出來counter點餐，話可以做埋午餐俾我。點餐過程我仲話我好欣賞佢，佢話係佢哋做得唔夠好。其實有時，一個良好的用餐體驗，就係呢啲細節位。由今日開始，我會成為你哋嘅忠實粉絲。🥰🥰🥰食物都好好味呀，雞胸沙律青新好味。綠茶鮮奶梗係唔使講啦，個拉花令人好喜樂。註：有一個位係要留意嘅， open kitchen對住個客，透明度係高，不過我坐住嘅位，對住佢哋嘅雜物，見到有雞蛋、紙箱、垃圾膠袋同埋下欄車😂都幾影響食慾。