影片
更多
2011-03-30
292 瀏覽
喺灣仔返左咁耐工都未聽過依間私房菜；日日行過佢棟大廈都唔知入面有野食，真係失禮。上網調查先知原來名門個大廚胡師傅係阿一個徒弟（原來大廈門口真係有個印有胡師傅個樣既易拉架做宣傳架）；嘩，咁有來頭，唔洗問收費唔方平得去邊啦，好彩今次有人請。平時私房菜既地方好細，不過名門都算大，大廳放左五六張中型散枱都唔覺逼，入面重有間坐倒十四人既房。室內裝修雖然有少少老土，但總算光猛整潔。可能主人家係VIP啦，我地七個人已經可以坐房（唔知有冇最低消費呢？），而且當晚好多人招呼我地，不過唯一都係斟酒速度唔夠快。落單嗰位哥哥仔好落力地介紹不同既招牌菜，解釋佢地煮法好為食客健康著想，所以盡量少用油。而每道餸黎既時候，佢都會詳盡地講解下，以及聽取大家有咩意見，態度非常認真。總括黎講食物質素都幾參差，所以有讚有彈，而家等我續一報告下先： 薑蔥煎焗魚雲煲：第一讚，熱辣辣；第二讚，乾身唔油膩；第三讚，皮脆香口，送酒一流！ 椒鹽田雞腿：雖然炸得好脆好乾身，但係因為粉太厚，唔係好食倒瘦小既田雞腿，就算椒鹽味道幾好都冇用，“口徒”功夫。我相信如果少四分三既粉會好正囉。 順德焗魚腸（$98）：招牌菜之一；上緊枱既時候重聽倒吱吱
平時私房菜既地方好細，不過名門都算大，大廳放左五六張中型散枱都唔覺逼，入面重有間坐倒十四人既房。室內裝修雖然有少少老土，但總算光猛整潔。
可能主人家係VIP啦，我地七個人已經可以坐房（唔知有冇最低消費呢？），而且當晚好多人招呼我地，不過唯一都係斟酒速度唔夠快。落單嗰位哥哥仔好落力地介紹不同既招牌菜，解釋佢地煮法好為食客健康著想，所以盡量少用油。而每道餸黎既時候，佢都會詳盡地講解下，以及聽取大家有咩意見，態度非常認真。總括黎講食物質素都幾參差，所以有讚有彈，而家等我續一報告下先：
薑蔥煎焗魚雲煲：第一讚，熱辣辣；第二讚，乾身唔油膩；第三讚，皮脆香口，送酒一流！
椒鹽田雞腿：雖然炸得好脆好乾身，但係因為粉太厚，唔係好食倒瘦小既田雞腿，就算椒鹽味道幾好都冇用，“口徒”功夫。我相信如果少四分三既粉會好正囉。
順德焗魚腸（$98）：招牌菜之一；上緊枱既時候重聽倒吱吱聲既油聲，不過食落反而覺得唔係好夠魚油，唔夠肥美。哥哥仔解釋話因為好多客人食後反映過太多油唔係好健康，所以師傅從此就放少左油。其實值得讚既地方都有既：面層個蛋焗得好香脆，個餡都好鬆，而且魚腸一Ｄ都唔腥。個人覺得如果味道可以濃Ｄ同埋多返Ｄ魚油，個餸會好食好多。
名門招牌焗响螺（每隻$78）：配料包括瑤柱，洋蔥，梅菜同豬肉；可能足料得滯所以味道有少少咸。口感好似食緊豬肉丸咁，唔可以話好精彩，只能說ＯＫ啦，所以有少少唔明點做招牌菜。
柚皮：好簡單既一味；叫左一條厚同一條薄，兩條都咁腍咁入味，個汁重可以留埋黎送飯添。
豉油皇煎花蝦（每隻$78）：加碼豉油另上，令賣相好乾爽，蝦亦唔會浸到酶哂。小弟食親依味都係食蝦唔lur殼既，因為個味道喺哂個蝦殼到，切開左黎食咪冇哂味囉；師傅果然有料到，個蝦殼好脆，而且冇乜渣，低讚！。蝦肉鮮甜，加上帶甜既豉油好啱我口味，下次黎一定會再叫，必吃推介。
炒肚尖（加大）：顏色就靚啦，可惜Ｄ肚尖真係好尖，又薄又細，而且份量唔似係加料囉。肚尖切到咁幼細所以好爽口，不過同配料既味菜一樣冇乜味；同桌既主婦們解釋話味菜唔夠味既原因應該係冇用糖醃過（主婦KO大師傅? ）
涼瓜生筋炆蟹煲：小弟唔食蟹既，所以只係食左苦瓜同生筋。苦瓜好苦好硬，生筋就好入味。據蟹后們媽咪同契媽得知嗰蟹因為煮得太熟所以Ｄ肉好嚡，所以不吃也吧。
名門秘製骨：又係另一道用埋自己餐廳個名既招牌菜。雖然外表冇煙，不過食時小心燙傷條脷呀，因為真係好似韋達騎嗰Ｄ馬咁，好熱！個皮好脆，但係個肉唔夠鬆，不過都好好食，不妨一試。
生炒糯米飯（$148）：太多油，唔夠乾身，不過勝在多腸，所以好好味；大家叫既時候記得叫佢少油。當晚主婦們講起先知原來依味飯唔係全糯米做，而係要溝最少兩種米先唔會咁溜既。
肉絲炒麵（加芽菜）：好大碟既例牌，唔知關唔關加芽菜事呢？個麵好脆，而且少油，肉絲同麵既比例都好正常，而且食落唔係好肥膩。
因為今次人地請客，所以冇機會睇名門個餐牌記錄單價，只偷聽倒埋單個數係三千大元。每人要成四舊幾，真係好似食名氣咁，唔係好抵囉。張貼
