雲川 米線．紅薯粉 (貝爾特酒店)

營業中

休息中

入到黎屯門就試下雲川米線，好彩11點半到唔洗等位，食完出到去見一堆人等緊😯我地叫左兩碗豬骨湯紅薯粉同一份小食😀▫️豬頸肉豬骨湯紅薯粉湯底配料有肉碎、辣椒、酸菜、蒜蓉等等，好濃郁幾有豬骨香，味道帶咸帶辣。紅薯粉煙韌好滑身。豬頸肉切成幼條，份量都幾多，煎得幾香口，易咬唔韌。▫️香茅豬扒墨魚咀豬骨湯紅薯粉香茅豬扒好大塊，香茅味十足，雖然唔係厚切，但肉好嫩👍🏼墨魚咀有煎過亦好入味。▫️酸辣豬耳都幾大碟，豬耳好爽口，味道偏酸多過辣，我個人鍾意呢個比例。餐廳環境就一般但叫企理，多人時要搭枱，有啲窄但冇咩所謂，上菜快，食完就閃了😆啲阿姐都幾有禮貌😆