八刀麵館

營業中

休息中

呢間喺上環蘇杭街嘅粉麵店今日終於有機會試到，佢最出名嘅就係豬雜所以第一次幫襯就梗係有叫到呢個招牌菜啦。豬潤、豬心、豬粉腸、豬肺、豬大腸、豬肚再加埋個蝴蝶腩，大碗65蚊，細碗45蚊，都咪話唔抵食，淨係新鮮豬雜都已經值回票價，仲要洗得幾乾淨，唔會有陣內臟嘅噏味，連埋個枸杞葉滾嘅湯真係令人食得開心。值得一陣就係佢啲內臟煮到啱啱好，唔會過曬火搞到啲內臟鞋颯颯。不過我覺得最正都係呢個秘製辣椒油，配住啲內臟嚟食真係特別惹味。