為食雞私房工場

營業中

休息中

荔枝角返工經常會幫襯嘅一間餐廳，無他嘅因為平靚正三個字。海南雞半隻 ($80) - 雞味雖然唔濃，但成隻雞烚得剛好，夠滑身又嫩口，皮脂有雞油香，配返佢哋個特製豉油嚟食，食味匹配，幾好食嘅。燒豬頸肉飯 ($50) - 燒豬頸燒得夠乾身但唔太鞋口又蕉香帶少少肥口，咬落帶爽口，係啲飯太少，大食少少都夠飽。泰式豬脾飯($50) - 泰式豬脾炆得好淋好入味，但又唔癡牙，係好食嘅，但同樣問題係飯太少，大食少少都夠飽。基本上荔枝角食晏都係咁上下價錢，50蚊內叫正常，而為食雞佢哋係就50蚊有個lunch，啲嘢食幾好食，係當區算係唔錯的了。