影片
更多
2025-03-03
73 瀏覽
登登登登…冇錯，又黎食Odelice！不過今次唔係沙田果間，而係將軍澳PopCorn嘅Odelice！之前係沙田食過好鐘意，今晚係係將軍澳又再見到佢，咁一於唔使再揀，就佢啦。環境方面冇得輸，係好大裝修靚一靚嘅高級餐廳style，位置夠多所以即刻坐得耐都冇乜問題。上次食過好滿意，所以今次決定食佢嘅Dinner上要加少少錢高階Main course，就係龍蝦🦞！呢間餐廳有佢自己嘅酒吧枱，Wine menu 都好齊，好晒慶祝活動飲返杯，我地唔飲酒都可以叫返兩杯Mocktail, 一杯「Tropicolada Frozen」同一杯 「Winter Cranberry Fizz」，兩杯都好唔錯，大大杯而且飲得出唔溝出黎嘅，大家應該知我講咩。頭盤揀左「流心水牛芝士」：原本大大粒嘅水牛芝士，不過影前我已經撈入左沙律火箭菜入面，大家自去影啦 : ) ，入面仲有西班牙火腿同水蜜桃，食落好fresh。主菜一牛一龍蝦，「阿根廷安格斯牛脊肉」：牛肉新鮮，煮到岩岩好紅紅地但又唔會太生，最重要係預先切好晒一塊塊，呢樣好加分。牛嘅份量唔太大份，但配上鹹鹹地嘅燒薯粒，食完都夠飽。最最最期待就係呢個「原隻烤龍蝦」啦！真
環境方面冇得輸，係好大裝修靚一靚嘅高級餐廳style，位置夠多所以即刻坐得耐都冇乜問題。上次食過好滿意，所以今次決定食佢嘅Dinner上要加少少錢高階Main course，就係龍蝦🦞！
呢間餐廳有佢自己嘅酒吧枱，Wine menu 都好齊，好晒慶祝活動飲返杯，我地唔飲酒都可以叫返兩杯Mocktail, 一杯「Tropicolada Frozen」同一杯 「Winter Cranberry Fizz」，兩杯都好唔錯，大大杯而且飲得出唔溝出黎嘅，大家應該知我講咩。
頭盤揀左「流心水牛芝士」：原本大大粒嘅水牛芝士，不過影前我已經撈入左沙律火箭菜入面，大家自去影啦 : ) ，入面仲有西班牙火腿同水蜜桃，食落好fresh。
主菜一牛一龍蝦，「阿根廷安格斯牛脊肉」：牛肉新鮮，煮到岩岩好紅紅地但又唔會太生，最重要係預先切好晒一塊塊，呢樣好加分。牛嘅份量唔太大份，但配上鹹鹹地嘅燒薯粒，食完都夠飽。
最最最期待就係呢個「原隻烤龍蝦」啦！真真正正一整只嘅烤龍蝦，而且係好大只，雖然要加啲錢，但呢個價錢同呢個質素真係好抵，一整只同佢個大碟一樣size好奈張，我地一致認為值得再試！
唔想要食兩個頭盤嘅可以好似我地咁，另一個跟餐小菜要個甜品「巴黎式芝士蛋糕」，咁就齊full course。個法式芝士蛋糕上枱仲係熱嘅，懷疑佢係即整 ，好堅！岩出爐嘅蛋糕好好味，佢係好鬆軟果只芝士蛋糕，甜度岩岩好，必試！
張貼
