囍慶酒家

營業中

休息中

閒遊科學園，順便搵個朋友食lunch😋，佢話請我去一間好味嘅酒樓飲茶🫖。豪華十大點心盛讌(2位)🥢鮑魚燒賣皇燒賣口感彈牙爽口，配合鹹香Q彈嘅鮑魚，味道指數倍增。🥢藥膳灌湯餃濃郁當歸湯頭，餃內有大量雜菌及肉碎，湯汁與湯餃混埋一齊，入口豐富。🥢原隻鮮蝦餃 煙靭餃皮內藏鮮甜多汁嘅蝦肉，如果可以食多粒就好喇😆。🥢椒鹽豆腐粒炸皮香脆，內裡豆腐腍滑👍。🥢七味魷魚鬚 辣辣脆卜卜嘅炸皮包裹住Q彈口感嘅魷魚鬚，非常好咬口😋。🥢翡翠菜苗餃 有菠菜又有鮮蝦嘅餡料，juicy味美。🥢脆皮炸春卷蝦春卷食得多，用上豬肉及芋頭餡料等所做成嘅傳統春卷反而少見，更覺滋味，餡料仲非常充實添。🥢流沙奶黃包包質柔軟，奶黃爆漿流心，甜香濃郁。🥢瑤柱蝦乾珍珠雞 有大大粒瑤柱、大大條蝦乾，仲有成半隻鹹蛋黃添，超足料，配合軟綿糯米，超正。🥢養顏紅棗糕質地軟滑並帶着濃香嘅紅棗味。