豪園麵家

營業中

休息中

獅子山下黃大仙， 老家附近走一圈，做仔時候同而家睇，當然而家好多，都變曬啦，嚟到呢度，都豪下先，豪園麵家，名都有歷史，五六十年代到而家，對我點都親切㗎。入去坐低 兩個人叫咗兩個小菜 真係非常夠食，但點都加多個淨水餃。小菜叫咗個西蘭花 蜜椒牛柳粒 碟頭唔細，西蘭花伴碟，蜜汁加棘椒色香味棘，油炸爽脆，食到尾都咁好味。同埋仲有個 支竹豆腐火腩煲，男人嘅浪漫，一人叫一個自己喜歡嘅餸，兩份分享，支竹爽滑，火腩好味，汁液又剛好，唔係舊式炒作，火候就有分別，當然夠水準喇，兩個小菜有湯飲有兩碗白飯，兩個人都算食得好夠皮呀，分量仲要，主要就係火候獲氣夠呀，完全食返五六十年代嘅感覺 ，而且重係有冷氣，又有新嘅環境感受呢一餐，真係 不枉此行。