鋿晶館

營業中

休息中

朋友食過呢間餐廳唔錯，所以就帶我去試吓旺角分店，餐廳係自家製品牌，主打點心現場即點即做，聽聞師傅做過米芝蓮餐廳嘅主管等，所以經驗好豐富。月半彎晶瑩鮮蝦餃(2隻)皮薄唔黐牙，蝦肉新鮮有咬口，好足料。鮑魚北菇燒賣皇(2隻)平時唔多鍾意食肉肉燒賣嘅我都覺得好好食，推介要試，燒賣既肉好軟滑帶菇香，加埋隻鮑魚即刻感覺升級咗。川芎白芷天麻墩斑骨湯見到d配料真材實料，今日頭重重，即刻叫反個，味道容易入口。雪山叉燒包一咬下去會爆汁，香軟既包入面包有細叉燒肉粒仔，如果上皮更鬆脆會更正。翡翠炒安格斯牛肉菜心再配上爆炒得好有鑊氣既牛肉，肉肉軟嫰又香口，好快就俾我地清碟。黃金焗中蝦蝦肉彈牙，蝦頭有膏，外殼有滿滿的黃金咸蛋黃，咸香提鮮。
百花炸釀蟹箝有3大粒，炸到金黃又香脆，熱辣辣上枱，又有咬口，配埋甜酸汁，一粒都有d份量，好性價比。如果係旺角又想飲茶嘅話真係值得一試哩間，食物選擇都好多，除咗點心又有小菜，燉湯，餐牌上仲有烤魚火鍋配料。