鍋點

營業中

休息中

k11 musea下面嘅food court唔同平時商場一般嘅food court，雖然價錢貴啲，但係無論環境方面、食物質素方面都優勝啲今次是呢間新開嘅「鍋點」，估唔到喺foodcourt都會有鮑魚海參花膠，中式得嚟，又有啲平時唔會見嘅食材配搭*杞准蟲草花燉花膠*燉湯好好飲、好足料，勁多蟲草花，飲落帶甘甜味*溫泉蛋鮑魚蔥油培根脆脆拌飯*我從來未見過鮑魚同埋溫泉蛋呢個組合，流心蛋，再加上蔥油、炸過嘅脆脆煙肉粒，勁好撈飯，鮑魚彈牙，成個飯口感層次好豐富*八年陳皮砵酒燉牛臉頰*呢個望落似牛腩炆蘿蔔，但係變奏昇華版，用上牛臉頰，肉質好腍，索晒砵酒嘅甜味，再帶點陳皮甘甘地嘅香味*TBT麻辣爽花膠*本身我平時馬馬地花膠，成日覺得喺酒樓食嘅老套嘢，但係佢呢個整法，紅椒絲嘅麻辣汁配花膠，作為一個小食幾特別。