新金榮小廚

營業中

休息中

黃金三寶茄子鮮魷豆腐賣相唔討好，味道亦不似預期黃金（鹹蛋）味極淡，炸物炸得唔夠乾爽，豆腐茄子入口感覺只係好似食緊一pat不知名的東西。金菇肥牛煲肥牛嘅份量都算係唔少，但係食唔到牛肉味。最敗筆嘅係，呢個煲感覺好水就好似係金菇肥牛加沙爹水咁，好失敗。潮州煎蠔餅呢個煎蠔餅大概係我食過最差嘅蠔餅。上枱嘅時候已經係變到林晒，應該係煎完之後就即刻將啲蠔餅疊埋一齊，結果就焗到林晒，完全無煎嘅感覺，而蠔嘅份量亦都係屬於少。炸大腸拼雞軟骨炸大腸我冇食到，所以不予置評。但係雞軟骨真係做得好差，有一種係用萬年油炸出嚟嘅感覺，而且雞軟骨好細粒，成份雞軟骨好似碎濕濕咁，無法令人開胃。p.s我哋叫咗四碟食物，其中有三碟都親眼睇到待應送錯去隔離枱，呢方面真係唔多掂。