一喜車仔麵

營業中

休息中

食車仔麵嘅精髓在於所有配料、湯底、麵底都可以自由配搭～同朋友去咗土瓜灣食一喜車仔麵，叫咗兩碗麵同好多小食，食得非常滿足！第一碗麵叫咗秘製黃金雞湯，雞湯味道突出，唔似得其他味精湯咁，配料揀咗蘿蔔、炸貢丸片、菜肉餃同陳皮魚旦，炸貢丸片好有特色，大大片，食落好有口感！幾新奇另一碗麵叫咗牛腩汁，生炸豬扒、炸蝦條同牛腩！塊豬扒勁大塊，真材實料，牛腩好入味，肉質鬆軟！仲有酸齋酸酸甜甜非常開胃，細心位係會分開上，唔怕俾湯底溝稀！香辣單骨雞中翼炸得香脆唔油膩，雞肉嫩滑生炸潮汕三寶呢個係必食！三款丸類真材實料，口感十足，最愛墨魚丸，超級彈牙！重料咖哩三寶份量都幾多，有水魷、魚旦同牛柏葉，佢個咖哩醬汁味道好濃好惹味，但唔算好辣！