The Salted Pig (新都會廣場) (已結業)

一直都想去The Salted Pig試下，豬門店🐖。趁超級星期一有優惠😍主菜買一送一！新都會廣場既 The Salted Pig 好特別，係大門已經有隻大豬仔🐷高掛， 餐廳好似個空中花園甘，裝修充滿英倫鄉村風格，座位寬敞舒適。連餐具🍴都好盞鬼烤斧頭豬扒👉🏻大大件啖啖肉、肉質厚實嫰滑，配菜有煙肉椰菜仔和脆薯條，另外配上特製芒果酸甜醬，食落更開胃，食多啲肉都唔怕滯。美國特級安格斯肉眼扒👉🏻揀選左五成熟，扒表皮有烤坑紋，微微蕉脆但肉質鮮嫩，牛味濃郁，配上烤蘆筍和脆薯條。不得不提，附上既肉汁好好味😋沾上肉汁再食嘅牛扒口感更上一層，好吸引。特色飲品款式很多，最後揀左Minty Grape。內裏有薄荷提子梳打，青檸，蘋果汁和蜜糖柚子。口感豐富，真係有啲果肉，飲落十分醒神。香蕉雪糕新地甜品 👉🏻超吸晴，忍唔住拎住狂自拍。烤香蕉配上脆脆窩夫，下面仲有雲呢拿同朱古力雪糕，食完真係好滿足😎