一杯鐵板燒居酒屋

營業中

休息中

前排咁岩同朋友喺APM行街，見到之前網上有人推介過APM有間居酒屋幾高質，就同朋友試試佢。當日係平日夜晚，都見到餐廳都有好多人幫襯，餐廳裝修好有心思，燈光柔和，座位私隱度高，好適合同朋友聚餐。🐟鷹羽鯛 （魚王三刀 ）- 🍲鯛魚湯- 🥢刺身- 🍴鐵板燒當日職員同我地推介鷹羽鯛，因為未試過鷹羽鯛，所以就叫咗一條試下。一條魚可以有三種食法，先將部份嘅魚肉切成一片片嘅刺身，跟住將部份用鐵板燒煎香，最後將魚骨熬成湯。鷹羽鯛嘅油份比較重，肉質嫩滑，口感有點煙韌；味道雖然比較淡，但都好鮮甜。個人特別推介鯛魚湯，味道非常鮮甜，同埋有好多骨膠原。🍢串燒- 燒牛舌串- 雞中冀- 燒翠玉瓜- 免冶雞肉串呢間居酒屋串燒嘅選擇都好多，個人最鐘意燒牛舌串同免冶雞肉串；燒牛舌串口感彈牙，同時保持到牛舌軟嫩嘅口感，充滿肉汁，而免冶雞肉串嘅雞肉同雞軟骨嘅比例岩岩好，有豐富嘅口感。🍶一心（斗滴）純米大吟釀難得黎到居酒屋，咁一定要叫翻枝清酒。因為我同朋友都唔係好鐘意酒味非常濃嘅清酒，職員就推介咗呢枝酒俾我地。酒嘅口感柔順，帶點果味香甜嘅味道，層次感分明。