MOO MOO

營業中

休息中

今日到觀塘買廚具，見到附近有間漢堡店，望落幾吸引，於是入去試下。 點完餐，可選擇坐餐廳入面，或可以坐餐廳外面 chill 下。漢堡有8款選擇，可加錢轉滋味套餐。點左2個滋味套餐鹹蛋黃雞堡 $69鹹蛋黃雞堡配料有鹹蛋雞、生菜、蕃茄。雞肉同樣好厚，咬落嫰滑 juicy。鹹蛋味唔太夠，要食到最尾個幾啖先有，但就有香鹹蛋味。肉汁芝士薯條 配汽水  $29薯條熱辣辣，佈滿芝士。芝士熔熔地，仲有拉絲。經典之堡  $60經典之堡配料有手打美國穀飼牛肉、芝士、生菜、蕃茄配以自家制醬汁。穀飼牛肉好厚，好多肉汁，食到啖啖牛肉香味。自家制醬汁味道亦唔錯。芝士肉醬薯條 $29 估唔到肉醬有啲辣，配埋熔熔地嘅芝士食，越食越惹味。熱薄荷茶 +$5 薄荷茶用上 Twinings 品牌，一邊飲一邊聞到薄荷香，醒神晒。