東羅 泰館 (已結業)

同朋友行裕民坊， 見呢間舖頭裝修得幾靚，大家又想食泰國菜， 就揀咗呢間，座位都坐得幾舒服，乾淨又闊落睇咗一陣間餐牌之後，就揀咗幾樣嘢食同嘢飲，朋友揀咗泰式奶茶， 佢話好飲， 通常出面啲泰式奶茶都會偏甜，不過呢間就啱啱好，甜度適中，朋友話好香，同埋夠滑，我就揀咗青檸薄荷特飲，感覺透心涼大大杯，味道好清新，青檸都好新鮮，所以會有新鮮青檸香味沙律就揀咗泰式魷魚酸辣粉絲沙律，好多魷魚好彈牙，酸辣粉絲就好開胃，啲菜亦都好新鮮好爽脆，第一個小食就係泰式鹹蛋黃單骨雞翼，雖然啲雞翼係單骨，不過啲雞翼都仲係好大隻，咬落去啖啖肉而且俾鹹蛋黃包住真係好惹味第二個小食係東羅手打蝦棒，炸到個皮好香好脆， 裏面就係好彈牙嘅蝦膠，好足料，又好食，唔怪得知係餐牌特別推介第1個主菜，東羅泰滷豬手，整得好冧， 入口即化， 每一啖咬落去都充滿住骨膠原調味料都係用泰式香料做， 好惹味， 送飯一流，第2個主菜， 巴東蟹肉炒飯，炭烤雞，炒飯夠鑊氣，炒到好乾身， 好多蟹肉，每一啖食落去都充滿著鮮味，配埋2串炭烤雞燒到啱啱好， 呢度菜好有泰國風味，呢間餐廳裝修靚，坐得舒服，食物質素亦都好，性價比高，如果嚟觀塘食泰國菜係首選，