緣味小聚 (93WYS) (已改名) 查看

日日係觀塘反工嘅我，平時行過見到呢間海鮮蒸氣鍋想試好耐，岩岩好老豆生日，就決定帶佢嚟呢間位於偉業街嘅緣味小聚食個生日飯。由於老豆好鐘意食海鮮，帶佢嚟食就啱晒啦！一坐底上咗個海鮮盛盤，好豐富，大大隻既龍蝦，蜆肉同埋肉蟹，全部都食落都非常鮮甜，真係想不到肉蟹啲蟹膏係咁多，真係心心眼咗出嚟，見到老豆都食到好滋味！啲點心同小食係任食嘅，幾鍾意佢啲小食，魚皮同鴨腎份量多又夠爽口，鬼咁惹味！見到老豆都好滿意今餐嘅生日飯，咁多大大件既海鮮，又小食又點心，真係好抵！