影片
更多
2024-09-25
393 瀏覽
原來觀塘都有法國菜食，呢間餐廳位於觀塘同埋牛頭角之間，係一棟商廈入面，入邊嘅空間幾大，座位都好闊落，set dinner大概$400-$500一位，有前菜、湯（連餐包）、主菜、甜品同飲品。法式慢煮鵪鶉脾配山楂汁第一次食鵪鶉脾，有啲似鴨脾咁，表面係煎香咗，底下亦都有啲清新嘅沙律菜，如果啲醬汁多番少少就更好法式洋蔥湯面頭鋪咗滿滿嘅芝士，再加上法包片一齊焗，有啲拉絲嘅效果，好邪惡，入面嘅洋蔥絲都幾多，已經煮到非常軟腍，湯底嘅調味都唔錯，亦都有跟兩款餐包，分別係香草包同埋五穀包，個人就比較鍾意香草包，迷迭香味非常突出燒西班牙伊比利亞豬鞍配味噌蒜香忌廉汁份豬鞍嘅賣相燒得好靚，有炭燒網紋，已經烤至全熟，芯位都保持到少少肉汁，個醬汁係加分位，蒜蓉味幾突出，而配菜加入咗少少照燒汁，令層次更豐富炭燒美國特級西冷牛扒（28日自家乾式熟成）配干邑燒汁牛肉都幾厚身，同樣都食到啲炭燒香味，肉質軟腍，亦都有啲筋位增加口感，呢個嘅配菜就係芝士薯波同埋長柄西蘭花，薯波入面有流心嘅芝士，而西蘭花都幾清甜原隻鮮果雪葩（椰子）上枱嘅時候會淋上乾冰，幾有儀式感，雪葩好大個，椰子味非常突出，比想像中creamy，入口亦都食到啲
法式慢煮鵪鶉脾配山楂汁
第一次食鵪鶉脾，有啲似鴨脾咁，表面係煎香咗，底下亦都有啲清新嘅沙律菜，如果啲醬汁多番少少就更好
法式洋蔥湯
面頭鋪咗滿滿嘅芝士，再加上法包片一齊焗，有啲拉絲嘅效果，好邪惡，入面嘅洋蔥絲都幾多，已經煮到非常軟腍，湯底嘅調味都唔錯，亦都有跟兩款餐包，分別係香草包同埋五穀包，個人就比較鍾意香草包，迷迭香味非常突出
燒西班牙伊比利亞豬鞍配味噌蒜香忌廉汁
份豬鞍嘅賣相燒得好靚，有炭燒網紋，已經烤至全熟，芯位都保持到少少肉汁，個醬汁係加分位，蒜蓉味幾突出，而配菜加入咗少少照燒汁，令層次更豐富
炭燒美國特級西冷牛扒（28日自家乾式熟成）配干邑燒汁
牛肉都幾厚身，同樣都食到啲炭燒香味，肉質軟腍，亦都有啲筋位增加口感，呢個嘅配菜就係芝士薯波同埋長柄西蘭花，薯波入面有流心嘅芝士，而西蘭花都幾清甜
原隻鮮果雪葩（椰子）
上枱嘅時候會淋上乾冰，幾有儀式感，雪葩好大個，椰子味非常突出，比想像中creamy，入口亦都食到啲椰絲碎，感覺好足料
我哋另外叫咗兩杯Cocktail，Fuzzy Melon以伏特加、蜜瓜酒、蜜桃酒等調製而成，Lychee Margarita入面就有龍舌蘭酒、荔枝酒等，兩款都好容易入口
張貼
