Nutmad (已搬遷) 新店位置

聽講呢間幾多人食，就預早book左窗口位，黎到試左兩款唔少人推介嘅菜色，原本想試埋黑毛豬，但近排餐廳轉左menu用咖啡香料烹煮，唔飲咖啡嘅我就無試到啦🍝煙燻豬豬卡邦尼 同平時食開嘅卡邦尼唔同，不含忌廉而係用生雞蛋加芝士調配而成的新鮮蛋汁，食落較乾身帶黑椒味，配料有豬面肉、煙腩片同意大利煙肉，面頭有芝士脆片幾特別 🍞焦糖香蕉雪糕法式多士份量足好飽肚，多士有蛋香外層脆口內裏軟綿，灑上糖霜，配上焦糖香蕉、草莓同雲呢拿雪糕，香蕉同焦糖脆皮夾埋無得輸，略嫌toppings唔夠多，食到最後變左齋食法式多士比較寡😬我地假日黎無lunch set，french toast好大份，兩個人食叫多個意粉已經夠飽，食物不俗。