影片
更多
2025-03-29
0 瀏覽
呢排迷上咗食Pancake，呢日就搵咗呢間觀塘嘅Cafe，呢間Cafe最招牌嘅就係Pancake，當然仲有意粉、漢堡同咖啡等等🤗韓式泡菜卡邦尼意大利粉配溫泉蛋第一次食韓式嘅卡邦尼意粉，味道都幾有驚喜，調味主要係韓國泡菜嘅味道👅 份量大大碟，啱晒同朋友share。加埋面頭流心嘅溫泉蛋，蛋汁配埋個意粉真係好正🍳吉列魚柳意大利包配青芥末蜜糖沙律醬除咗意粉餐廳仲提供漢堡或者三文治類嘅食物，我哋就揀咗個魚柳意大利包🐟 一上碟真係俾佢嘅極大吉列魚柳嚇親，吉列魚柳嘅size比起意大利包仲要更闊更長😮 魚肉嫩滑，炸粉唔算好厚，入面仲有青芥末蜜糖沙律醬🫢 配埋外層軟熟嘅意大利包，口感豐富，又唔會太油膩🥪特濃開心果忌廉麻糬疏乎厘疏乎厘pancake真係呢間餐廳必叫嘅食物，勁推介呢一個濕潤蛋糕感嘅pancake🥞 我哋呢次試咗期間限定嘅開心果口味，喺疏乎厘嘅面頭有大量濃郁開心果味嘅cream，係好綿密果種，真係好正🤩 加埋有層米白色嘅麻糬，係一個幾特別嘅甜品。飲品♦️山政小山園【槙之白】宇治抹茶呢個宇治抹茶有得揀不額外加糖，所以飲到抹茶嗰種甘苦味道🍵 而且店員毫不吝嗇，真係令到杯飲品有好濃郁嘅抹茶味
呢排迷上咗食Pancake，呢日就搵咗呢間觀塘嘅Cafe，呢間Cafe最招牌嘅就係Pancake，當然仲有意粉、漢堡同咖啡等等🤗
韓式泡菜卡邦尼意大利粉配溫泉蛋
第一次食韓式嘅卡邦尼意粉，味道都幾有驚喜，調味主要係韓國泡菜嘅味道👅 份量大大碟，啱晒同朋友share。加埋面頭流心嘅溫泉蛋，蛋汁配埋個意粉真係好正🍳
吉列魚柳意大利包配青芥末蜜糖沙律醬
除咗意粉餐廳仲提供漢堡或者三文治類嘅食物，我哋就揀咗個魚柳意大利包🐟 一上碟真係俾佢嘅極大吉列魚柳嚇親，吉列魚柳嘅size比起意大利包仲要更闊更長😮 魚肉嫩滑，炸粉唔算好厚，入面仲有青芥末蜜糖沙律醬🫢 配埋外層軟熟嘅意大利包，口感豐富，又唔會太油膩🥪
特濃開心果忌廉麻糬疏乎厘
疏乎厘pancake真係呢間餐廳必叫嘅食物，勁推介呢一個濕潤蛋糕感嘅pancake🥞 我哋呢次試咗期間限定嘅開心果口味，喺疏乎厘嘅面頭有大量濃郁開心果味嘅cream，係好綿密果種，真係好正🤩 加埋有層米白色嘅麻糬，係一個幾特別嘅甜品。
飲品
♦️山政小山園【槙之白】宇治抹茶
呢個宇治抹茶有得揀不額外加糖，所以飲到抹茶嗰種甘苦味道🍵 而且店員毫不吝嗇，真係令到杯飲品有好濃郁嘅抹茶味。
♦️海鹽Kiri芝士奶蓋白桃烏龍茶
底下嘅白桃烏龍茶係無糖茶嚟㗎，雖然店員已經放咗飲管喺入面，但係個人覺得飲呢啲芝士奶蓋茶梗係要喺杯邊直接飲用🤩 咁先可以每啖都飲到海鹽芝士奶蓋同烏龍茶✌🏻
呢間Cafe有唔少食客幫襯，眼見真係檯檯都會叫pancake食啊😲 等我下次又試吓第二款口味先👍🏻
張貼
