古今二 (觀塘工業中心)

營業中

休息中

今次就去左觀塘食好西，由尖沙咀街鋪搬到上去觀塘工廈既「古今二」。一口氣就點選了「龍卷風沙律$65」，「帶子壽司$30」，「三文魚腩壽司$45」，「鰻魚壽司$38」，「金龍卷$85」，「超級龍卷風$88」，「炸明太子雞翼$32」。首先食返個沙律打個底先，就叫左「龍卷風沙律」，份量都幾合理，沙律內有蔬菜、海藻、蟹柳、脆片！食落好特別，有沙律既口感，但食食下又有脆片令到成個沙律都好豐富。之後三客手握壽司，呢到既壽司係''一客兩件''既！「帶子壽司」，「三文魚腩壽司」，「鰻魚壽司」。整體黎講，壽司都好新鮮，份量剛剛好。卷物方面，「金龍卷」及「超級龍卷風」都係呢到既招牌菜式！「金龍卷」入面有芝士，炸蝦，三文魚。「超級龍卷風」入面有芝士，青瓜，蝦，鰻魚，脆片。兩款卷物都分別有8件，味道不錯，材料既配搭剛剛好，仲要係出面食唔到呢款既卷物！小食有「炸明太子雞翼」，一碟兩隻，整隻雞翼已經起骨，內釀明太子，好足料，驚喜係新鮮炸出，熱騰騰！不過略有一點點鹹。不過都好建議大家去試食，值得推薦比各位親友！p.s. 建議先打去預訂座位，因為都經常爆滿！