Cobber Coffee and Tonys Pastry (裝修中)

我一直都好想嚟試吓呢一間長期位於觀塘區OpenRice人氣之選嘅餐廳，但係因為呢間餐廳唔可以book位，所以一路都有少少Hesitate好唔好嚟食，因為知道一定唔會等好耐位。適逢今日早收工，於是就嚟咗呢度攞咗位先，順便等埋朋友。雖然我6:00左右已經嚟到，但係攞完飛都等咗差唔多一個鐘頭先可以入去，天氣咁熱，而且嗰度等位嘅位置非常之細，如果想要涼冷氣就一定要迫入去佢間房仔，所以呢個鐘真係捱得好辛苦。不過佢食物嘅質素都真係冇令我失望，我叫咗一個青醬既飯，另外再叫咗佢嘅伯爵茶pancake。首先講吓佢個主菜青醬嘅飯，佢嘅調味調得非常之好，唔會太鹹，亦都唔會食落去覺得好肥膩，非常驚喜。其次，佢嘅伯爵茶pancake，另外仲有柑做生果擺喺面，層次好分明，而且pancake嘅蛋味非常之香濃，再加上伯爵茶醬，令到成個甜品食落非常香。