川川辣辣

營業中

休息中

天水圍比較少川菜餐廳，有次朋友仔經呢區發現左有間新開既川菜，於是搵埋嗜辣既我一齊食。酸菜魚（例）中辣$178湯汁唔算好辣，少少酸辣，麻辣香味唔算好突出，但有好香既蒜粒味，味道不過不失。鱸魚厚切，食落啖啖肉，無乜骨，魚肉份量都幾多。配菜有萵荀、雞脾菇、薯粉。薯粉有別於一般酸菜魚，口感似蒟蒻，略嫌唔夠掛汁吸味，呢度既中辣似係小辣，嗜辣既朋友仔可以直接叫中辣。手撕包菜$58食落非常有鑊氣，食落有臘肉既油香，加埋蒜頭辣椒爆炒，味道濃郁😋川式口水雞$68雞肉口感偏鞋，食落咸左少少，唔算好辣，唔太食到香辣味。黃金炸饅頭$48友人食川菜必點，小饅炸到外脆內軟🤤好香口，點埋煉奶甜甜地，真係百吃不厭😋菠蘿梳打水$24招牌奶茶（冷）$20整體來講，川川辣辣質素中規中矩，但個別小炒/點心都做得唔錯，價錢都算親民抵食。而且客服態度友善，我同友人臨關舖先入座，都無催我地盡快食，而且職員耐心聆聽食客需要，工作態度認真。