渝老大

營業中

休息中

自從搬咗出嚟住之後要日日煮飯都有啲辛苦，所以間中都會買下外賣。大角咀呢頭都算多嘢食，今日就試吓呢一間中式小炒菜館叫做渝老大。入到去餐廳環境乾淨衛生，侍應一見有客入嚟就已經主動招呼，聽到話買外賣就遞咗個餐牌俾我睇，見佢都幾多選擇，主要要食川菜，所以都係食辣嘢為主。我叫咗兩個小炒，川式尖椒回鍋肉同野山椒炒牛肉，加$12可以配白飯同嘢飲，就加咗，叫咗個奶茶同檸茶，都正正常常埋單二百頭。返到去試完兩個小炒都真係幾有鑊氣幾好食，尤其是佢嘅尖椒回鍋肉有好多青辣椒，我叫咗小辣，對於想食辣但係又唔太食得辣嘅人嚟講，十分又好食到舔舔脷。至於佢個野生椒炒牛肉都好好食，一份裏面嘅牛肉都好多。會再幫襯。