自家製韓國刀削麵 (山林道)

係尖沙咀咁多間韓國餐廳裏面，有間係全港第一間自家製韓國刀削麵。餐廳環境舒服，價錢抵食，份量又足，加上服務幾親切，係一間幾啱當日常飯堂嘅好選擇。
.
🌟花蛤刀削麵
韓式花蛤刀削麵，個湯底先係靈魂。用咗大量花蛤去熬，湯色清透，飲落係純粹嘅海鮮甜味，一啲都唔油膩。麵條夠韌身，索咗湯之後更加鮮味。花蛤肉又飽滿又冇沙，真係唔錯。
.
🌟牛骨湯刀削麵
牛骨湯刀削麵，個湯底係招牌嘅奶白色，飲落溫和醇厚，牛骨香味好出。麵條咬落有口感，牛肉片軟嫩，令成碗麵更加有滿足感。
.
🌟海鮮韭菜煎餅
海鮮韭菜煎餅，煎到金黃香脆，火候啱啱好。韭菜落得足，香味濃，仲加咗魷魚，食落口感好豐富。點埋佢哋特製嘅醬油一齊食，鹹鹹香香，好開胃。

花蛤刀削麵

牛骨湯刀削麵

花蛤刀削麵

海鮮韭菜煎餅

1

2