見見面 (打鼓嶺道)

營業中

休息中

睇食評成日睇到“隱世”呢個詞，而我今日真係遇到間"隱世食肆”，佢係一間川菜館，唔知叫好彩定唔好彩？九龍城係眾所周知都係食泰菜居多，食川菜就少之又少，一般人來都係食泰菜居多，不過我可以話你知，下次可以來呢間川菜館，一定有收獲，辣度有成5或6級咁多，實有一款辣度啱你嘅。“夫妻肺片”、“開心涼粉”係喜歡的涼菜，够地道，猶如喺四川的感覺；“火爆腰花”勁爆，好食，唔係度度都食到㗎；“孜然羊肉”亦係超好味，濃香的味道，聞到嗰香氣已醉晒🤩酸菜魚午市套餐50零蚊，有QQ彈彈的紅薯粉,小辣的酸菜魚片，多多魚片好嫩滑；“肥腸面 ”更抵，只是45蚊，午市套餐跟有餐飲，並且唔使加一，感覺平過“大”字頭快餐廳，下次來九龍城，來啟德體育園可以唔食泰菜，轉食四川菜👋🏽👋🏽甜品嗌咗“桂花冰粉”和“爆漿紅糖糍粑”，都好够水準，我哋都超級鍾意，下次約多D朋友來。