海鍋手工涮涮鍋 (已結業)

上次朋友約我去呢間打邊爐我話唔去，因為果排熱氣。時隔一段時間再見就決定試下佢，因為我見佢個海鮮套餐都頗吸引，淨係睇海鮮拼盤已經讓我開始流口水。湯底揀咗沙嗲鍋，香氣濃郁。配料都有多款選擇，共有55款咁多，我地可以揀十款，按人數會調整分量。墨汁墨魚丸認真好味，大家都食到啲牙黑麻麻好搞笑。有驚喜嘅係竟然有鮮豬肚食，打邊爐好少餐廳會提供豬肚，因為清洗麻煩，亦難買到。今日居然可以食到新鮮豬肚，感覺幾養生。仲有花膠食，感覺自己多了很多膠原蛋白。