串カツ専門店

營業中

休息中

幾年前日本料理畢業飯，老師第一次帶我哋嚟食已經有好大好大嘅感受，亦都因為對日本料理嘅了解多咗，更加知道呢度嘅菜品更正宗！今次再嚟係突登想試佢個蒸生蠔(ˊo̴̶̷̤ ̫ o̴̶̷̤ˋ)首先講吓個明太子玉子燒，玉子燒加入咗高湯、糖等嘅調味，所以食得出佢質地軟滑多汁，淡淡嘅高湯味，配埋芝士明太子口感豐富，我想講呢個先叫真正嘅玉子燒呀！佢嘅刺身盛都係上乘之作，除咗有Set揀，仲有時令嘅海鮮刺身選擇。到咗佢哋嘅炸串啦☺️炸皮好薄好膽，充分保存好入面配料嘅味道，無論入面包嘅係溏心蛋，雞肉卷定係蔬菜，全部都恰到好處，滿分！好啦好啦到個蒸蠔啦，上日本料理堂第一堂教嘅係「旨み」，指嘅係食物獨有嘅鮮味，呢個蒸生蠔首要條件係啲蠔一定要新鮮，第二係火候。佢樣樣都做到哂，蠔處於剛剛內裡熟透呈現飽滿多汁嘅狀態，一口咬落去淡淡嘅鮮味咸味甜味，可以配上佢幾款調味又多一番層次享受。