影片
更多
2024-12-22
113 瀏覽
銅鑼灣樓上舖 一間西韓fusion小店店面唔算大，大約七至八張枱，感覺溫馨，都坐得舒服唔逼Menu主食大約$128-$148可以加$48 / $66轉套餐，包括餐湯+飲品+甜品餐湯係粟米湯，啖啖都有粟米粒魚糕串辛辣麵卡邦尼意粉 $128好特別嘅西韓fusion菜式少少辣嘅卡邦尼意粉加咗魚入去煮，加隻溫泉蛋，仲擺咗一串大魚糕，上面咗少少公仔麵脆脆，打卡之選！味道好濃郁，意粉都好掛汁，又靚又好食肉食者漢堡 $148即係香辣炸雞，加安格斯牛肉漢堡嚟到都幾震撼眼球，一把刀拮實個burger，牛肉漢堡厚度有成3-4cm！！！真係手仔細啲都拎唔起！雖然好多肉，但食落唔會覺得好dry，好好味飲品套餐可以揀特色檸檬茶，即係柚子檸檬茶，味道唔錯，亦唔會太甜另一杯飲品揀咗金沙朱古力(自選飲品) 造型好靚，好啱打卡，味道都唔錯套餐配一件蛋糕，選擇咗朱古力芝士及抹茶芝士蛋糕，口感都好綿密，唔錯唔錯如果鍾意食甜品嘅仲可以加$28升級蛋糕放題(只限星期一至星期四)有六款蛋糕可以選擇，不過我哋今次好飽就冇升級做放題，自問有信心可以回本嘅你一定唔可以錯過！而家仲做緊優惠，follow佢哋ig就可以加$12要一件巨型原
店面唔算大，大約七至八張枱，感覺溫馨，都坐得舒服唔逼
Menu主食大約$128-$148
可以加$48 / $66轉套餐，包括餐湯+飲品+甜品
餐湯係粟米湯，啖啖都有粟米粒
魚糕串辛辣麵卡邦尼意粉 $128
好特別嘅西韓fusion菜式
少少辣嘅卡邦尼意粉加咗魚入去煮，加隻溫泉蛋，仲擺咗一串大魚糕，上面咗少少公仔麵脆脆，打卡之選！味道好濃郁，意粉都好掛汁，又靚又好食
肉食者漢堡 $148
即係香辣炸雞，加安格斯牛肉漢堡
嚟到都幾震撼眼球，一把刀拮實個burger，牛肉漢堡厚度有成3-4cm！！！真係手仔細啲都拎唔起！雖然好多肉，但食落唔會覺得好dry，好好味
飲品套餐可以揀特色檸檬茶，即係柚子檸檬茶，味道唔錯，亦唔會太甜
另一杯飲品揀咗金沙朱古力(自選飲品) 造型好靚，好啱打卡，味道都唔錯
套餐配一件蛋糕，選擇咗朱古力芝士及抹茶芝士蛋糕，口感都好綿密，唔錯唔錯
如果鍾意食甜品嘅仲可以加$28升級蛋糕放題(只限星期一至星期四)有六款蛋糕可以選擇，不過我哋今次好飽就冇升級做放題，自問有信心可以回本嘅你一定唔可以錯過！
而家仲做緊優惠，follow佢哋ig就可以加$12要一件巨型原條鰻魚壽司(只限星期一至星期四)
真係好大條，長過手掌，一定要加配啊！
Unnie (銅鑼灣)
銅鑼灣富明街2-6號寶明大廈1樓L號舖
張貼
