勝記海鮮酒家

營業中

休息中

🌟【香港西貢米芝蓮海鮮酒家｜豪華裝修+生猛海鮮，食到唔捨得走！】🌟最近同朋友去咗西貢一間超有格調嘅#米芝蓮海鮮酒家，真係要同大家分享下！呢間酒家裝修豪華得嚟又帶啲復古風，坐喺度食飯感覺自己都高級咗！🤩 重點係佢哋嘅菜式好有創意，海鮮新鮮到不得了，食完真係想即刻再encore！🦞🦐🦞【#芝士龍蝦煎脆米粉】 瑤媽最愛😍😍全場焦點！龍蝦肉鮮甜彈牙，芝士醬濃郁得嚟又唔會太膩，最正係底層嘅煎脆米粉，吸晒龍蝦同芝士嘅精華，脆卜卜咁，食落去口感層次超豐富！每一啖都係享受，真係食到停唔到口！😋🐚【#椒鹽鮑魚】 鮑魚煮得剛剛好，外層微微焦香，裏面依然保持嫩滑，椒鹽嘅調味帶出咗鮑魚嘅鮮味，食落去鹹香惹味，完全唔會過鹹！每一舊都係滿滿嘅幸福感！👍🦑【#炸墨魚餅】 墨魚餅外脆內軟，咬落去仲有啖啖墨魚粒，口感超正！佢哋嘅調味恰到好處，唔會蓋過墨魚嘅鮮味，蘸少少甜酸醬食，更加開胃！呢個絕對係大人細路都鍾意嘅菜式！👶👵🐚【#豉汁蟶子皇】 蟶子超大隻，肉質鮮嫩，豉汁嘅味道完全滲入蟶子肉裏面，鹹香得嚟又帶啲甜味，真係食到舔舔脷！底層仲有啲粉絲，吸晒豉汁嘅精華，超級入味！😍🍮【甜品：#益力多糕 + #桂花糕】