金雞去骨海南雞專門店

營業中

休息中

聽人講西貢呢間海南雞飯幾好食，一行四人喺西貢玩完就去試吓啦。餐牌其實唔係好多選擇，我哋直接嗌咗一個四人餐($298)，包海南雞一隻，滷水豬蹄，菜心一碟，餐湯四碗，油飯四個， 仲有四杯餐飲。個海南雞建議咩醬都唔點試一試先，真係幾香雞味，同埋非常之嫩滑。油飯入面有啲炸葱，都幾香。餐湯係南瓜湯，菜心都係正常普通水平。至於個滷水豬蹄，唔太識欣賞，都好林入味但係對比海南雞，真係覺得一般。一開始見呢個四人餐包幾多野覺得抵食就嗌左，但係其實食落真係海南雞同油飯最好味，其他表現一般，所以其實寧願係嗌四個海南雞飯，仲抵過四人餐，因為四人套餐入面嘅餸都係一般。