影片
更多
2022-10-25
190 瀏覽
難得weekend就想去遠d，遊吓車河，決定入西貢走一轉。沿住海旁行，吹吓海風，藍天白雲真係好舒服。行行吓見到原來WM酒店喺呢度，仲見到佢果間超高樓底嘅餐廳望落好舒服，貫徹今日嘅渡假feel就喺度食lunch。Carbonara 一向係我食意粉嘅首選，揀左個煙燻煙肉，露荀，白菌蛋黃忌廉汁意粉($145)蛋黃醬嘅味最出，食到好香嘅蛋味；切厚粒煙肉甚有口感，咀嚼時，滲出嘅啖啖鹹香令到原先嘅蛋黃醬意粉味道變得更濃。朋友係pizza 控，佢好快就決定要意大利辣肉腸＆mozzarella芝士薄餅($178) 辣肉腸比平時連鎖薄餅店食開嘅更香更濃味，食唔到辣嘅我甚至會覺得太辣，但鍾意食辣嘅朋友就話好好味，辣肉腸嘅鹹香辣提升了整個pizza的味道。我較欣賞芝士嘅香，襯熱食軟軟嘅芝士拉絲特別好食。薄餅其實都好食，軟糯、有空氣感、帶麵粉香，當食到薄餅邊時才能純粹地享受到薄餅嘅香。朋友2號就揀安格斯牛肉，楓葉漿煙肉&芝士漢堡伴沙律($155)超鍾意食黑醋蜜糖沙律汁伴混嘅沙律，酸甜味道平衡，驚喜係有原條小酸瓜，搭配沙律菜食唔只增加了口感，酸味味更開胃。漢堡嘅包身係烘烤過，微微嘅香脆；而漢堡扒肉質唔錯，幾有嚼
Carbonara 一向係我食意粉嘅首選，揀左個煙燻煙肉，露荀，白菌蛋黃忌廉汁意粉($145)蛋黃醬嘅味最出，食到好香嘅蛋味；切厚粒煙肉甚有口感，咀嚼時，滲出嘅啖啖鹹香令到原先嘅蛋黃醬意粉味道變得更濃。
朋友係pizza 控，佢好快就決定要意大利辣肉腸＆mozzarella芝士薄餅($178) 辣肉腸比平時連鎖薄餅店食開嘅更香更濃味，食唔到辣嘅我甚至會覺得太辣，但鍾意食辣嘅朋友就話好好味，辣肉腸嘅鹹香辣提升了整個pizza的味道。我較欣賞芝士嘅香，襯熱食軟軟嘅芝士拉絲特別好食。薄餅其實都好食，軟糯、有空氣感、帶麵粉香，當食到薄餅邊時才能純粹地享受到薄餅嘅香。
朋友2號就揀安格斯牛肉，楓葉漿煙肉&芝士漢堡伴沙律($155)超鍾意食黑醋蜜糖沙律汁伴混嘅沙律，酸甜味道平衡，驚喜係有原條小酸瓜，搭配沙律菜食唔只增加了口感，酸味味更開胃。漢堡嘅包身係烘烤過，微微嘅香脆；而漢堡扒肉質唔錯，幾有嚼勁。
再加個小食炸雞翼配蜜糖，是拉差醬&青瓜酸忌廉($88)雞翼配蜜糖芥末醬較好食，是拉差醬似燒烤醬，酸甜味適中，襯雞翼嘅軟骨位食，特別惹味。
英國產品嘅樽裝飲品($32)，味道無咩特別，但成份天然，不含人造糖，樽身好靚。
其實用餐中段已聽到身後傳嚟玩耍嬉笑聲，問吓侍應，原來餐廳設有美式桌球、高爾夫球、仲有足球機、波子機，部份完全免費，部份係免費試玩一小段時間。呢個真係意外驚喜，下午時間烈日當空，正好喺度涼住冷氣玩多陣。
呢度食物、環境本來已經好高分，加埋仲有免費玩樂，無論係情侶拍拖、朋友相聚、或者家庭聚會，我覺得呢度真係‘很酷’，起碼今日同朋友就喺度渡過開心嘅假期。
張貼
